2016/09/15
見有時間 又唔遠 於是就係香港慢慢行入 西環泳棚
沿住地圖單一路線 好快又好容易就摸到地方
...
噢 原來就係呢到
係泳棚再影出去既景色 似乎無咩意思
其實現場 係有唔少人既！
相信都同網上既大力介紹有關 (包括我)
到此一遊.
好 然後再由泳棚行翻出去最近既電車位置
搭去 銅鑼灣大坑 去一個期待已久既活動~
由日頭等到夜晚
嘉賓席 仍然都係無人 大牌！(其實係我地早到)
等等等...
終於！都開始啦！
首先係一班小朋友
不過看來 到底有多少個不願意？__？
有人出現打鼓 但我唔係想睇LED燈板既東西 T___T
所以大家都係繼續等................
終於！真係等到條火龍出現 感動！！
大坑舞火龍
好雀躍既大家 都不停去影...但唔知影緊乜
剛剛出場 好似要拜一拜？
火龍開始由街頭 遊到街尾來回
變左龍蝦０口０
火龍尾
舞龍期間片段
遊左30分鐘左右 火龍似乎要抖一抖
大坑村村民會將火龍身上既香 分比旁邊既人
亦都有好多街坊會輪住拎 大概係相信會帶來好運？
我的位置 - 浣紗街7號
由於人太多 所以大家都有各式各樣既方法去影相
例如呢位外籍哥哥企都係高處影相
我就擒左上街牌位置 不過轉個頭就比人趕左落黎 ~_~
但個外國哥哥就安然無恙 好風騷繼續企係上面
又係香港人打香港人
Ross Lam + 佢朋友
大坑村村民嚴禁我地行入去影相
而佢地 就係我地面前不斷影相
有種平民唔準點燈 但官府可以放火既感覺
添完香油之後 火龍重新出發
轉左1分鐘 比人影相
之前快快門太暗 而家試下用慢快門光D
警察維持治安既同時 都可以欣賞舞火龍 其實都幾唔錯
舞火球 擦地擦出火花其實幾好睇
慢快門之下 火球會變左火軌 唔算靚但係又幾得意
佢地好似有招 叫做 一團和氣
就係全村人團團圍住
全村人半跪晒係到
再升高個龍頭 大概就係咁樣
走了
走經維園既時間 我估佢地準備緊下一輪
hehe 辛苦了
後記::
終於...第一次去左西環泳棚
老實講無咩特別 仲有D失望
不過只係唔合我口味姐:P 其他朋友仔都話OK
終於...第一次去左大坑舞火龍 氣氛都幾好
特別係人真係多到離晒大嫂...
不過有事要留意::
1. 好嘈好大煙 對眼耳鼻刺激都幾大
2. 人好多 要小心自己財物
至於影相方面..
現場環境暗 需要較高ISO 但畫質會大減
雖然用慢快門拍攝動感同時 相片可以光D
但係機鏡必須有防震 如果唔係 影幾多刪幾多...
...
所以一句講晒
想影得好？ 升機啦！
END.
沒有留言:
張貼留言