2016/08/04
我係一個地盤佬 所以都大概見慣地盤裡面
最近係一個重建地盤翻工 即係拆卸後再興建
等我係入面影少少相分享下~
地盤入面會有好多範人 例如...
建築 搬運 泥水 釘板 石矢 油漆 裝修 風火水電...等 仲有好多
...
而每一檔人 佢地都會有自己既架佈
架佈意思係 佢地係地盤入面 會有自己放野既地方
會係我地另一個家
...
呢個係我既架佈~
呢個係其他師傅既~ 全部都訓得好安祥
即使原本係駕駛學院 但都阻止唔到地盤佬既入侵！
拆緊既地方 唔係人行
半天吊既電箱 貌似危險
其實一早斷左電 安全的 最多咪死
一些拆卸既指示 輪到執行者(工人)做野既時候 就知要做D咩
好啦 到重頭戲 (我自己覺得)
就係影光軌啦~
呢個係風煤佬 會用風煤火槍去Cut鐵
就即係用極高溫既火燒熔鐵 再等鐵斷開
...
舊時個天花頂好多亂鐵 所以要用風煤去Cut走滿天鐵
我用左慢快門 大概1/5~1/10既快門速度拍攝
所以先影得出呢D一粒粒燒熔左既鐵粒軌
...
記錄低既痕跡 顯示得到安全帽既效用
...可以見到有其中少少火屎彈左落佢個頭到..
(火屎 - 一粒粒燒到彈出黎既野)
...
我都試過比火屎彈到 成件衫即刻燒穿 同埋真係好痛
所以千萬要小心小心~
到另一端精彩重頭
見唔見到所有火花都係彈晒落自己到
所以做工程真係搵命搏 唔係講笑
Wide Version
今次分享住咁多先 因為我都係趁少少空閒時間 先拎相機出黎影下~
後記::
有關手持慢快門拍攝
老老實實 我覺得都唔容易影
需要相機 鏡頭 有翻咁上下既防震
我用緊 Tamron 既天涯鏡 所以有防震...好似無防震咁
...
為左提升成功率 我自己會用呢D方法
...
1. 盡量雙手持機 + 唔手震 ( 定到腳架咁樣好無? )
2. 如果有臺櫈等平面架 可以當腳架用放相機 ( 如果有..)
3. 用連拍...到後尾可以將手震相刪除 ( 鬼唔知? )
4. 落腳架影 ( 講緊手持嘛~ )
5. 用快快門 到1/500就唔會手震 ( 講緊慢快門 )
6. 升機升到 機身有防震 鏡頭又有防震 ( $$$ )
..
好似好廢咁~
無污糟邋遢既工人 就無我地舒適既居所
最後我想講 請向師傅們致敬！
END.
沒有留言:
張貼留言