2016/07/26
今日我約左朋友 係荃灣附近走走
去到荃灣海旁既時候 見到呢個現象
喔~ 都係一班朋友等緊朋友姐 無咩特別咁
不過個個都望住手機既？ 一定係睇緊 OPEN RICE 或者 打緊機 啦
...
無錯！最近有隻瘋靡全球既手機版遊戲
就係Pokemon Go啦！
佢之所以咁吸引全球 除左係因為虛擬模擬得到現實捉小精靈之外
大概 都因為佢係陪伴我地成長既寵物小精靈
佢地集中係呢到 原來係有原因既～
有所謂既熱點 即係會集中小精靈
比玩家捉既地方 而且長捉長有
所以好多人都會停留係到賴死唔走
有小朋友一齊玩
有情侶一齊玩
有母子一齊玩
...
(又好似幾開心BOR)
有自己一個毒毒玩
有玩到唔見左BB既爸爸
...
...
我發現原來都有同我一樣 一齊影緊相既人
然後佢過黎問我
...
...
「你邊間架？」
「吓？」
「唔係攝影師？」
「唔係。」
「我係 _ _ 日報既攝影記者。」<---類似咁上下
「哦......」
...
然後佢就走左了
大概 唔多人會見到後面有條彩虹？
大概 唔多人會停留係到睇日落？
到左夜少少既時間
荃灣海旁仍然人多勢眾
情況就好多中秋節咁多人
呢個唔知係唔知電視台CAM MAN呢？
連熱愛單車既人都忍唔住停留
貌似遊戲可以拉近人與人之間既距離？
(以我觀察 佢地係唔認識既)
另一邊廂 呢到係青衣海旁
情況都係咁上下 好多人集中望住手機
反而老一輩 依然對中國國術棋藝比較感興趣 賭緊
當中亦有堅持做運動的 無懼世事變改
...
後記:
Pokemon Go 我都有Down黎玩 又真係幾得意既
不過當自己 作為一個旁觀者既時候
其實成件事 又真係變得幾恐怖
我見到既係 每個人都 着左魔 對住部手機
外國甚至有人 專程飛過黎香港
去捉一隻香港先捉到既小精靈
呢樣都唔係錯 錯係錯在
好多人顧住對電話 過馬路都橫衝直撞 後果可以自己想想
興趣固然可以有 但咁大個人 自訂一條底線吧
讓世界陷進大騙局裡面 自己亦難以發現
END.
沒有留言:
張貼留言