山頂盧吉道 - 雲海夜景 & 玩命再上大帽山

**為左證明我有Update  所以我決定放篇2020出黎XD**

2020/03/12

香港山頂 - 盧吉道  會被簡稱成「吉吉」

一直以來  我都好想有機會影到吉吉雲海

不過因為遠同懶  一直以來都無出動過去捕吉海
直到今日  朋友好熱血咁叫我一齊上去  好啦上啦

我地不外乎都係睇下天氣數據  天文台相
同埋最近有無人影到雲海之類再決定上唔上山

當然最最最穩定  就係有人實時報山上情況:p

不過其實  顧唔到太多  講到尾都係睇你好唔好彩

於是  6點收工  就衝翻屋企拎相機

再出中環搵朋友  咬個包就搭的士上山

到吉吉入口其實都8點幾

行大概10分鐘左右就到拍攝位置  可以見到其實已經無位

可以做既  就只係等下咁啦  希望轉個頭會有位影下

等左陣  我試下相機手持影幾張

於是set左連拍  舉機準備影幾張相

我先舉起部機影左幾張  已經被後面喝止 

(後面亂石堆上企滿左人)

「喂師兄唔好舉起部機  你阻住我影啊」

...

「er.. sorry sorry...」

無辦法啦  始終我真係影響左後面 T__T

就係呢個時候..

「細佬  你過來落腳丫  呢到有位啊」
有位姨姨叫我過去
...
「喂  呢個位...點點點點點.......」
隔離朋友同姨姨交頭接耳
...
「無所謂啦  反正遲早都有人攝腳架入來!!」
姨姨幫口
...
於是  我就有得開始影啦!!! :D

講完廢話  去相

遠攝ICC  我想像到抖音...

個個音字同音符

仲有IFC  成日見人話影左電鬚炮  我終於都見到!!

呢棟叫咩...  唔識  仲佢好高  Keep住見到佢

IFC細佬太矮  都係見到佢一陣間  之後就無再見到

到中銀個邊

例位Wide鏡景

後來  朋友話石上有位  可以上去影

好好感謝姨姨後  道個別就上石

上石既途中  又係會有好多人幫手

石上仲有好多人  有人幫你傳下腳架都幾感動

(不過當然  都會有D唔滿意既人啦)

樓下的朋友

對面山頭的朋友

石上影出去真係好開揚  下次必定上石!!

跪求朋友先肯借Wide鏡比我影幾張:D

不知不覺就到左熄燈時間

原來熄燈後都別有一番風味  (鍾意熄後多D)

今日滿載而歸  之後食白果都無所謂了:D

本來約左另一班朋友上大山  不過某D原因

大山我會照上  不過就分開上...

落山  930巴士出荃灣  沿途影下相

之後去左M記瞓覺  瞓到咁上下  出左去四圍走走

一個唔知凌晨等咩既女人

「喂！影咩啊影！」

(逃~)

凌晨4半左右  三人行的的上大山

果然  還是白果XP

下山了...




後記::

吉吉雲海係我一直以來  其中一個目標
不過我份人呢...  就好貪心既..
仲想影埋更低既霧海  同埋日出~
(諗諗下應該係山頂等到日出比較好XD)

所以今次  係未畢業既!!

然而  中左大景之後  就算白果翻幾次  都無咩所謂 hahaa

其實人人都有私心  尤其係呢D大景既時間
所以我唔會怪早到既人霸位  或者話遲來既人阻住佢

但記住代入對方處境  大家都想影下相姐
他朝君體也相同  互相尊重就好了

今次我遇到有壞人  都有好人咁啦:D

END
..