2018/03/30-04/07
友：「不如去冰島囉？」
我：「好啊。」
就係咁 我地就決定去冰島旅行:D
...
少少前言
原本有4個人 後來有1位朋友唔得 結果就成為左3人冰島之旅
我地相識唔夠一年 純粹一次韓國之旅認識 幾個入面得我一個係影相
有一次我地飯聚 屎忽痕講起冰島 然後 就開始計劃去 @_@
今次係一個極任性既旅程 除左旅費好貴 要請好多日大假之外
其實我地都係半工讀既學生 ~__~ 旅行既日子我地思前想後
以為可以避開考試之類 最後都係撞左 要改機票
由好貴既旅程升LV到好_貴 單係改機票就每人比多$6000 :(
如果唔改機票既話 我地就要拖喼翻學校考完試 衝去機場
其實幾刺激 我都OK 但另一個唔OK 於是改左 一翻黎第二日就考試:D
...好啦講翻正題 XD
...
今次分工 我負責 影相 + 揸車 另外2位朋友 (卡文&軒仔) 負責Plan行程 + 煮野食
所以！我係非常非常之抵玩 (心心眼)！！！
小弟對於冰島既認知 只係知道佢叫 ICELAND 同有舊飛機殘骸
呢個認知 由計劃旅行第一日 直至到出發前一日都無改變過
我真係到前一日 先 GOOGLE 睇下佢地Plan去邊 有咩景影下<---喂!!!
因為真係將所有野交晒比2位朋友計劃丫嘛 -3- (費事煩)
我都係打算去到邊影到邊:) 發揮街拍紀實精神
專登向LIPAN&ALAN借左5D3+24-105 (非常感謝!!)
出發前香港例留影
轉4程機 大概 20小時 先可以到達冰島
途中會經過 多哈 丹麥 挪威 幾個地方
我地基本都係食食食訓訓訓同睇戲 ~_~
不知名生物 & 丹麥藍罐曲奇
挪威比我既印象比較深刻 除左佢成個機場設計都係木板Design
最特別係通關個關員 會同你傾計 問你去邊旅行 最後同我講 Have a good day:D
雖然佢手腳好慢 但反而將整個旅程既輕鬆點推到極致
無錯!! 我地就係過黎玩同渡假丫嘛 要再放鬆先得啊香港人!!
遇到香港人 好無里頭又一齊合照:)
DAY 2
基本頭24小時都係飛機渡過 終於見到...
冰雪之地~~~!!! 好興奮啊~~~!!!
冰島首都 - 雷克雅維克 REYKJAVIK
一出機場門口 第一個冰島藍天 第一口冰島空氣 不得了
冰島實時氣溫 = 1℃ 凍得黎又幾舒服:D
再離遠見到雪山 @皿@!!
萬大事都係要先去拎車 租左Green Motion既車
終於都到我地 Day2既住宿地方 亂入個架就係我地車
內部
執一執行裝已經日落了 我地去左附近海邊行下
OH已經落左燒天中 聽日要早少少重考先得
原來有日落景可以影:D
日落得好快 飛機餐仲飽緊 所以沖個涼就訓了 Day2就這樣啊
DAY 3
作為一個相機佬 點會錯過冰島日出?!
佢地係唔太情願之下比我捉出黎一齊睇 一見個動作就知 Hea我
我地需要入貨煮飯仔 冰島既惠康百佳 - Bonus超市
買野食既責任就交比你地啦-3-
最多幫你地拎少少
之後放好D食物 我地向對面片雪地出發 我們的自駕遊
冰島公路可以行 90km/h 但可以路面太闊 好似開到 90km都覺得好慢咁~_~?!
冰島藍莓 放車到當口痕零食:0)
但其實都係來佬貨 同埋佢有營養 其實唔零
一片不知名冰地 見有個停車場 又好多人落車 所以我地都望下
成地都係溜冰場既冰:) 好Q跣 欠左個藍天 唔靚:(
晶瑩剔透 感覺可以放入口維生用
之後就繼續上路去下一個地方 沿途無乜車 個景又夠廣闊 好正
途中好多小路入口
中途小插曲 我地個泥擋唔知做乜甩左
用橡筋包翻住佢 卡文明顯恥笑樣:0)
我地到左一條出煙既河
行入去有好多望住D煙既遊客
呢到係 - 地熱間歇泉 GEYSIR
佢有幾個位置 每個位置又有個大名咁
每隔一陣佢就會噴一次
大佬係呢個位置打 最多人集中係呢個位置等
佢KEEP住有蒸氣湧上黎
終於..!!
好似話10分鐘左右回1次氣 睇下D人細細粒就知大佬噴得幾爆
好想當佢溫泉咁浸同熱水咁飲
下一站係 - 黃金瀑布 GULLFOSS
個形狀都... 幾特別既...
至於佢黃金係邊 我就唔太清楚 可能係日落?!
無做功課 唔知過黎有咩影XD
途中一個馬場
冰島馬既適應特徵 離唔開都係脂肪厚同多毛
成班傻更更 幾寫意 又得意 好羨慕啊-3-
呢隻個頭應該生左D野搞到佢好癢 不停磨個頭
自駕遊既好處就係想停就停 沿途間中都有D想停低影下既地方
朋友幫我的留影 VS 自己留影 其實相機對焦好難咩:0)??
化工廠?! :) 駛到隔離都唔知係咩 咁易比你估到仲係冰島咩
我地回城翻到首都走走 去呢個 - 哈爾格林娒教堂 HALLGRIMSKIRKJA
佢高大到我要落魚眼先影得晒
冰島小朋友原來會扮D士兵打黎打去咁玩
時間差唔多就翻去LU 今日預早左時間去尋晚個地方睇日落
我諗起Window有張燈塔Background?!
燒天 開心
入黑好快 翻到去將煮食任務交卡文姐
軒哥仔就負責入個CAR GPS ((雖然張相佢訓左係床
原來冰島人好早休息 我地先日落完翻去 7 8點左右
係到煮野食 講下野 屋主過黎敲門 叫我地靜D 原來佢地訓左:0)
DAY 4
Day 4 健康早餐 尋日影左日出今日偷懶訓耐D
你知啦 凍凍地真係好好訓-v-
執完野先後 我地終於離開首都
出發我地 「逆時針」 環冰島之旅
唔知我拍檔係咪睇住幅地圖Plan呢~
我地間中都會停下 唔記得左做咩停
我地先去左住宿地點放低行李 然後再出發今日行程
我地去左一個貴貴地主打草原既住宿 我地間屋
唔講唔知原卡文好呢味野 我以為我成世都唔洗影COSPLAY
結果都係輸左係你手上 話左影相包底 無得拒絕:))
呢張有笑點 18+卡通
我地又經過不知名瀑布 見好多人落車我地又去睇下
頂原來要買飛入場 好彩有人離開比張飛我地入:D 好無私既遊客們
於是就行入去睇個究竟~
瀑布囉.. 反而最特別既地方 係有個溪澗位置佢噴到有條小彩虹
之後去我地本來想去既地方 - 彩虹瀑布 SKOGARFOSS
呢個犀利啊 真係有彩虹係到
應該同個位置 加埋物理現象有關 我估有陽光就有彩虹出現??
有雙彩虹!! 不過遊客太多-3- 無得好好咁影無人版
可以見到後來有D時間無左條彩虹 應該同日照有關
條友行到勁近 都咪話唔過癮 事關佢撞到D水花飛到十萬九千里咁遠
我未行過去都濕濕地 行埋過去真係涼都幫你沖埋^_^
有FEEL
冰島拍檔 - 5D3 24-105 ((自爆咁樣放佢地機鏡
下一站 - 黑沙灘 REYNISDRANGAR
其實呢舍位置好高 好似可以落去 不過時間傖拙 就無落去了
海出面有個「巨人腳掌」個名唔係我改 真係咁叫
地理教過好似叫海蝕柱 目測都有15-20層樓咁高 或者唔止
呢舊應該係海蝕拱?! 似乎應該都有名 有D來頭咁款
走了
自駕途中節錄
望一望D人就知舊石有幾大舊 痴線人塵咁細粒
冰島人勁得閒 係山上面畫星星
停車
我地到左一個神秘既入口
似乎要行十萬八千里 可以見到兩旁既黃柱 知道曾經係馬路
飛機殘骸 - DC-3 PLANE WRECK
Yeah 終於都到 本大少就係想黎冰島睇飛機
好難得影到無乜人 因為現場都唔少人
日落了 可惜背光
到此一遊
翻到草原屋企 SET好部機自己慢慢影星軌 幾好幾好
DAY 5
我地間屋企其實好細 個廁所仲會漏水出廳
又貴又細 都係SELL個大草原架姐
我就無敷MASK 係個2個大少先敷
頹早餐
一屋一車 大家都泊左架車係屋隔離 無泊係停車場 曳!!
食完早餐 我先執好野就行下大草原 其實佢都好多設施玩
有好多遊樂野玩拍左片 室外彈床啊 室外乒乓波之類都有
行行下發現左一個水TUM
竟然點做到 結冰漣漪 @口@ 真係看傻眼 入面穿左個位係我打既
好 繼續出發去下一站 沿途景物
圍城 人工天然到底算唔算天然
我想影 山VS山下小屋 個大小對比感
拳頭咁大既屋 呢個對比不得了
然後見到一舊石 不得不停下來 佢連住有間屋
即係個屋主打鑿舊石去起間屋?? 正喎:D
我地 終於 到落雪區域 +W+
N1 加油站 係我地旅途入面既自助入油點
見到D草有雪 @_________@!!
再入少少已經全部被雪覆蓋住
我地係有癲左咁打雪戰-V-
我心諗你班雀咁樣飛法 咁大風唔凍架咩
企企鵝都係冰水入面游 又好無野 係人先要着衫咁廢-v-
呢隻好好笑 個樣好on居 XD
呢隻就行型格路線
佢地有條隊 似漫無目的咁行 但應該有目的地既!!
黎到一個不知名既亂石陣 應該有名 ((笑喊笑喊
似去左紀念碑地方咁
其實達地都幾大 不過風雪都幾大 所以都不宜久留
之後停左雪又落車影下相
雪景好正
D車呔痕 都好吸引 話說我地用雪呔 行正常路好「捽」好大聲
又有堆食緊下午茶既馬
又到一個例位 - 瀑布 FOSS A SIUD
呢個位唔係講笑 配埋雪景真係一流
我極度懷疑個山頂比人批平左!!!
抹茶山 隻顏色好好味咁
例位 - 冰河湖 JOKULSARLON GLACIER LAGOON
我覺得自己已經去左北極 同電視睇到既一模一樣既!!
大大舊浮冰 飄黎飄去 撞黎撞去咁 不過都令人諗到全球暖化既後果
望入去唔知有無冰住左D動物 冰化石:)
呢到 好凍 海風狂吹過黎 加埋又落住雪 應該-10℃左右
全部人都越過左遊人止步個牌:0)
究竟佢經歷左D乜野...
到今晚住宿個小市鎮 - APOTEK GUESTHOUSE
日落時間 四圍走走
呢張凝冰 真係型冰
我呢堆相都係直出無較冷色 現場真係好冷先出到呢隻色??!!
好凍 頂唔順翻左去整野食
仲有叮熱左既士多啤梨奶
然後呢2位大少就訓左LU 自己一個出去影星
呢個廣場有盞燈射住 所以好奇怪咁 D光執唔走
我落左2部機係2個位置打星軌.. 咦!! 右下角有D野!!
頂喂原來有極光 即刻翻去拍醒2兩友出黎睇@田@!!
由於小弟執相技術有限 現場又有燈光 所以相係有D醜
原來極光肉眼睇好弱 某程度上我覺得似香港D光污染 不過偏綠少少
見到腳架入鏡 笑
雖然極光強度比較弱 但係 總算見過了~
自己努力Print左堆叫朋友估地方既名信片 其實後尾有D後悔
應該用光靚雪景之類做明信片 會好好多
DAY 6
有陽光 補影翻個Apartment先 個木屋既感覺都好正
公家地方
我地間房
早餐時間
好啦~出發買明信片郵票 我想講要由冰島寄翻香港真係好貴T_T
我地收拾細軟之後又出發了 今日天氣好好多 有陽光真係爭好遠
又去左D不知名燈塔 冰島既靚景實在太多
我地到下一站 - 金字塔小鎮 DJUPIVOGUR
佢仲有一個 - 金字塔山 BULAND STINDUR
其實個中文名就我改既 因為座山真係好尖
而個鎮入面都有好多野影 望落好似去左瑞士咁?!
好QQ既模型小鎮
YEAH有「歡迎」!!
呢座山真係.. 幾得意 又靚
我地唯一一次係冰島餐廳消費 食左個TEA 真係 好貴:D
金字塔我地走啦:D 繼續沿路
原本都仲有D草 過完條行車隊道 連草都無 得翻白雪
勁靚救命 真係一個夢幻國度咁 冰雪王國
途中見到鏟雪車 間中都會有一兩架 實在太多雪
我地個半爛泥擋... 笑
下一站 - 白日夢小鎮 SEYDISFJORDUR
不過我地太遲黎 無左個陽光
究竟呢D街櫈係咪真係會有人坐
點解個海好似怪怪地咁 不懂結冰的海
去到小鎮幼稚園 有D童真散發出黎
燈柱都要保暖
巧遇的香港人 又合照一下
然後再到我地住宿 - ASGEIRSSTAOIR
我地架車個PAT 凍到車牌都無埋唔知會唔會犯法呢
有隻唔怕凍既狗仔出黎接我地
我都想自己好似隻狗咁唔怕凍
今晚食大餐
大餐
落雪落左一晚 星星同山出都無得睇 T__T
DAY 7
日出
有軒哥仔幫我地煮大餐
舉熱朱古力的杯
然後低頭溫電學
仲有做任務 印寫明信片 呢樣先係令人精神緊張既事 真係好花時間去做-3-
收拾完細軟又出發 然後發生左一件交通意外@_@ 利申唔關我事
大風雪下駕駛 最後意外跌左出馬路外坑 靠自己上唔翻黎
呢個位置係一個三叉路口 我企左個路口求救 成條雪條咁
中途有遇到香港人停低 又有外國人停低陪我地幫手截車
其實都幾感動 明明會浪費左佢地時間 T_____T
最後我地成功CALL到冰島警察 @_@!!
佢地再幫手CALL拖車 幫手係車底扣繩 我地係到困左接近2個鍾?!
原本已經趕緊行程 咁樣搞一搞無左好多時間 同埋拉一拉承惠30萬冰島幣
哈哈哈 今次堅係豐富 正XDXD 最後成架車入面濕晒 D雪吹晒入去再溶晒
原本去緊個口火山口 - HVERFIGALL
不過無辦法啦無時間 同埋咁大風雪我諗係咪都唔會上山架啦
留影幾張就走LU... 真係好大風雪
呢到似D地熱發電站之類 唔知咩黎架呢
之後我地到左- 心心燈鎮 AKUREYRI
個名都係我比佢既-V- 因為有心心交通燈 好得意
我地住既地方 - H81
404 NOT FOUND
夜晚2位大少訓覺 又係我出走夜遊之時
補影夜晚版本
DAY 8
早餐時間
有人煮真係好 仲要搞呢D咁考手工既野食:D
今日趕時間要飛車翻城市
車內拍片功臣 IPHONE SE 八爪魚腳用晒膠紙痴實
話說太凍 部電話成日無啦啦無電熄機 但其實仲有7-80%電
馬場馬圈?!
中途停車 LUNCH 不知名地方
見翻D草啦 途經 - 鯨魚教會 BLONDUOS CHURCH
條鯨魚都唔知係邊到..-V-
回暖既感覺啊 開始遠離雪山
我地黎到最後一站 - 藍湖 BLUE LAGOON
呢到係一個地熱溫泉 上水好凍 落水好暖
無得拎相機入黎 我決定長拎住訓手機 長期舉手!!
入面個藍湖配住個藍清天真係不得了 仲有KEEP住噴煙 好靚
可以憑手帶CODE去換野飲
突然間覺得自己好似做左有錢仔咁 係到享受生活
好想潑水入去整濕個女店員-v-
之後我地就去最後一夜既旅館 有隻貓係到等我地
我朋友叫過我唔準坐上車 不過最後一晚 我決定偷偷爬上去
原來個車頂又係真薄薄地 我咁輕都有少少壓左落去
最後一晚既星空 旅舍外
旅舍內
DAY 9
天清又點可以唔等日出?
Hea整左個早餐頂肚
係太陽啊 水平日出 為旅程劃上完美句號
最後 寄明信片
回程 回家了
番外篇: 呢個好笑 比機場人員要求我開袋睇下個舊係咩
原來個手榴彈唱機嚇親人XD 冰島之旅就這樣結束 返港考試了T.T
後記::
中間有無限細節 不過都係精簡為主 等我簡單重覆一次重點地方
首都 雷克雅維克 REYKJAVIK-->地熱間歇泉 GEYSIR-->黃金瀑布 GULLFOSS-->
-->首都教堂 HALLGRIMSKIRKJA-->彩虹瀑布 SKOGARFOSS-->
-->黑沙灘 REYNISDRANGAR-->飛機殘骸 - DC-3 PLANE WRECK-->瀑布 FOSS A SIUD-->
-->冰河湖 JOKULSARLON GLACIER LAGOON-->金字塔小鎮 DJUPIVOGUR -->
-->白日夢小鎮 SEYDISFJORDUR-->ASGEIRSSTAOIR--> HVERFIGALL-->
-->心心燈鎮 AKUREYRI-->鯨魚教會 BLONDUOS CHURCH-->藍湖 BLUE LAGOON
OMG原都要打夠6行先打得晒@_@!!
連續11日假期 來回用左2日時間 其實先用左9日去環冰島
原本預計每人$2萬2 最後用左$3萬5 除左改機票 仲有拖車
仲有一樣最貴既 就係車公司升起架車 話唔見左件零件要我地賠
而軒哥仔就二話不說咁比左錢先-口-'' 唔同我地+佢傾下先既??!
老實講 比車我地個陣 又無升高比我地睇 全程我地又唔覺得部車有咩大問題
點知係咪本身架車無.. 我覺得似係間店屈我地錢多D
仲有我地買左書全保以為無事 點知又話唔包 所以真係要小心條例
呻完講翻開心野
對一個鍾意影相既人黎講 冰島 人生去一次必定無悔
全個島都好靚同各有特式 連路邊一間石屋都令城市人看傻眼
隨住旅遊發展 我呢D人都有機會去冰島既時候
相信距離被封印+被污染既日子都唔遠 好想保護呢片淨土
但又好想去多次 點算好..?
END / To be continued...?!
